نورالباري مل څوک دی؟

نورالباري مل يو خپلواک ژورناليست دی چې د يوټيوب او نورو ټولنيزو رسنيو له لارې علمي، تحقيقي او تفريحي خپرونې او ليکنې خپروي.

څومره زدکړې يې کړي دي؟

نورالباري مل لومړنۍ زدکړې د هجرت پر وخت په جنوبي پښتونخوا کې کړي دي. د ليسانس د دورې زدکړې يې د هندوستان د اميټي پوهنتون په اقتصاد پوهنځي کې کړي دي. وروسته يې د امريکا د اوهايو ايالت د کنټ سټېټ پوهنتون په ژورناليزم پوهنځي کې ماسټري کړې ده.

نورالباري مل چيرته اوسي او څه دنده لري؟

مل اوسمهال د امريکا د اوهايو ايالت په اکرون ښار کې اوسي او د اکرون د ښوونځيو په بورډ کې پروګرامونو د مدير Program Manager په توګه دنده مخته وړي. تر څنګ يې له ځايي ورځپاڼو او مجلو سره هم د ازاد خبريال په توګه کار کوي.

د مل د خپرونو مالي ملاتړ څوک کوي؟

مل له هيڅ ادارې يا فرد سره نه دی تړلی د خپرونو د موضوعاتو انتخاب او بيا د هغو موضوعاتو په اړه نظرونه يې په بشپړ ډول ناپېيلي او بې‌پرې دي. مل له هيڅ ډلې يا فرد څخه مالي ملاتړ نه تر لاسه کوي او که احياناً د کومې خپرونې لپاره مالي ملاتړ تر لاسه هم کړي نو په اړه به يې شفاف وضاحت په هماغه خپرونه کې ورکوي. پر دې سربېره د مالي ملاتړ د ترلاسه کولو شرط يې هم دا دی چې د خپرونې د موضوع په اړه به د مل نظر په بشپړ ډول خپلواک او بې‌پرې وي او حتمي نه ده چې د مالي ملاتړو له نظره سره همږغه وي.

څنګه کولای شم له مل سره اړيکه ونيسم؟

دا ځای کليک کړه.

د يوې خپرونې په اړه طرحه لرم څنګه يې شريکه کړم؟

دلته يې را ولېږه.

زما پوښتنه دلته نشه شوه ځواب

ايميل را ولېږه. دا ځای کليک کړه.